• Lakibwe
  

  • Registered: Jul 17, 2002
  • Last visit: Sep 09, 2006
  • Posts: 257

  Posted: Oct 25, 2003 - 09:11 PM

  September 19, 2003
  
  
  Aolep armij in Mejit, im ro otemjej utut in dri Mejit
  
  Yokwe kom aolep,
  
  Moktata, kamolol Anij kin mour im ejmour. Ikonan kwalok jidrik Bareinwot kwalok kadkad iu im kobaik kom aolep ilo kotobar in adwoj jmor non Mejit ilo November 17, 2003, ilo juon wot boro im juon wot lomnak non emanlok eo an ailin eo.
  
  Eta in Sapong (Jebbon) Keju, juon ian ro rej jibdrek jea eo ami ilo Nitijela eo ad im enaj belok ilo November 17, 2003. Ikonan kwalok non kij wij jimor, ro ilo Marshall in im ro rej jokwe ibelakin America bwe ejejet ien adwij koba iben dron ilo juon wot lomnak im juon wot kolmenlokjen ilo kotobar eo non ilju im jeklaj eo an Mejit Island.
  
  Educational background:
  1. A.A Degree- Suomi College, Hancock, Michigan
  2. B.S Degree- Northern Michigan University, Marquette, Miichigan
  3. Certificate in Law- University of the South Pacific, Suva, Fiji
  
  Na ij tomak rein rej jibadrek seat (jea) eo an Mejit ilo November 17, 2003 rej jibadrek kin boro emol, nan emanlok eo an ailin eo, elptata ilo aer naj maron in ilok im jokwe ilo Mejit Island non aer maron in loe, im enjake bin im aban in mour ko an armij ro, bwe ren maron in komani kelet ko rejimwe im jejet nan ailin eo im armij ro.
  
  Kein karuo tomak eo ao ej non kobaik armij in Mejit ilo juon wot kworak, elaptata kabin lok manit eo ad ilo ailin eo. Einwot ad jela im melele, menin jeraman ko ikijen development rej bedbed wot iumin manit ko ad. Melelen bwe kotobar ko ad otemjej rejamin tobrak elane jenaj kiil lojilnir jen lomnak im kotobar ko an armij ro jej lemnak in jijet ilo etair.
  
  Lomnak im kolmenlokjen ko kein ij lo ke elap air aorok, mokta jen an wor lomnak ko ikijen jeraman im development ko nan ailin in Mejit im armij ro. Ij lemnak aorok bwe Armij ro ren jela won rain rej jibarok kab ta kotobar ko air non ailin eo., na ij tomak ilo tokjen jerbal im jaab kin naan wot. Einwot juon eo ear jerbal ibben kien in ad iumin 19 year ko ilo jerbal in Prosecutor, jerbal eo bikot kijkan bwe en jako nana bwe en walok emon.
  
  Rainiin ij kalimjek Mejit naion juon tol eo im ej bed kin jerata, enin ej unin ao jibarok jea in ami ilo netijela, ej non koman bwe mejit en kojoj kin jeraman im lubobo kin ainemon.
  
  Ij tomak bwe ne jenaj koba ibben dron ilo juon wot kolmenlokijen im lemnak einwot armij in juon wot ailin ak lal ejjelok en enaj iten bok jeraman kein jen kij im ej ad jolet jen ANIJ. Ao kejatdrikdrik ej ilo KOM im komin bareinwot likit ami kejatdrikdrik ilo NA
  
  Ilo kautej eo me ejjanim an kio wot, ak enaj bareinwot an ien ko rej itok ikonan kamolol kom aolep ilo etan kora eo ibba im ajri ro jilu nejiu, kim konan lewaj am naan in Yok-yokwe kom otemjej.
  
  
  Sapong Y. Keju
  Senator Candidate for Mejit Island
  

  • 
  •  
•  
•  

Users on-line

• 0 users
• and 91 anonymous guests

This list is based on users active over the last 60 minutes.